Les mer om
SVN – Čuoigan, viehkan ja njoarostanlihttu
Čuoigan, viehkan ja njoarostanlihttu sávva bures boahtin Sámi valáštallan Norga/Samisk allidrett Norge siidui!
Les mer om
Anár Inari SM 2022.
Kreditering: Aslak Mikal Mienna
Barmarksamling Bievladeaivvadeapmi Ylläs 2022
Kreditering: Aslak Mikal Mienna
Fokus sámi valáštallamii
Sámiid Valáštallanlihttu Norga ođđasis organiserema oktavuođas Čuoigan, viehkan ja njoarostanlihttu (ČVN) sierranii iežas organisašuvdnan. ČVN ásahančoahkkin dollojuvvui Guovdageainnus čakčamánu 14.bv jagis 2018. Jagi 2019 vuosttaš beaivvi rájes doaibmagođii ođđa organisašuvdna. Jahkečoahkkimis 2021 ČVN oaččui ođđa nama Sámi valáštallan Norga / Samisk allidrett, mas dábálaččat geavahuvvo oanádus SVN. SVN:a váldogiella lea sámegiella. Sámegielain oaivvilduvvo davvi-, julev- ja máttasámegiella. SVN:a luohttámušolbmot ja čállingoddi galget eanemus lági mielde geavahit sámegiela sihke čálalaččat ja njálmmálaččat.
Mii galgat ovddidit sámi valáštallama sámi árbevieruid, kultuvrra ja verddevuođa bokte.
Anár Inari SM 2022.
Kreditering: Aslak Mikal Mienna
Min árvvut
Sámi valáštallama vuođđun lea politihkalaš bealátkeahtesvuohta. Valáštallanorganisašuvdna vuođđuduvvá sámi árbevieruide, valáštallanmoktii, searvevuhtii, rehálašvuhtii ja eaktodáhtolašvuhtii. SVN bajimuš ulbmil lea ovddidit sámi valáštallama sámi árbevieruid, kultuvrra ja verddevuođa bokte. Sámi valáštallama vuođđun lea árbevirolaš sámi kultuvra, mas doaimmat vuolggahuvvojit árbevirolaš sámi ealáhusain. SVN čuovvu vuođđoárvvuid nugo valáštallanmovtta, searvevuođadovddu ja dearvvašvuođa.
Barmarksamling Bievladeaivvadeapmi Ylläs 2022
Kreditering: Aslak Mikal Mienna
Barmarksamling Bievladeaivvadeapmi Ylläs 2022
Kreditering: Aslak Mikal Mienna
Snøsamling skábmadeaivvadeapmi Ylläs 2022
Kreditering: Aslak Mikal Mienna
Maid mii bargat?
SVN valáštallansuorggit leat čuoigan, viehkan, njoarostallan. SVN lágida gilvvuid, hárjehallandeaivvademiid ja oahpaha ja ovddida njoarostallama iešguđet dilálašvuođain.
Min doaimmat:
– Hárjehallandeaivvadeapmi čakčat
– Hárjehallandeaivvadeapmi dálvet
– Guovllumeašttirgilvu viehkan ja njoarosteapmi
– Guovllumeašttirgilvu čuoigan ja njoarosteapmi
– Sámemeašttirgilvu čuoigamis ja njoarosteamis
– Norggameašttirgilvu njoarosteamis
– Oassálastin Arctic Winter Games:ii
– Geiget nuoraidstipeandda, man ulbmilin lea doarjut nuoraid valáštallama
Mis leat maid doarjjaortnegat, miellahttosearvvit sáhtet ohcat gilvvuide ja lágidemiide mat vástidit min ulbmiliid ja doaibmaid ektui.
Min ulbmilat
Sámi valáštallan galgá nannet sámi giela, kultuvrra, árbevieru ja iešdovddu. SVN ovddida sámi valáštallama sámi árbevieruid, kultuvrralaš oktavuođaid ja buori ustitvuođa bokte. Sámi valáštallan galgá ovddidit valáštalliid sihke rumašlaččat, psyhkalaččat, sosiálalaččat ja kultuvrralaččat. Sámi valáštallan galgá demokráhtalaš vuogádagaid mielde organiserejuvvot. Sámi valáštallan galgá riikkaidgaskasaččat oktavuođaid háhkat ja doalahit, ja dohkkehit buot olbmuid ovttaárvosažžan.
Barmarksamling Bievladeaivvadeapmi Ylläs 2022
Kreditering: Aslak Mikal Mienna
