Geasuheaddji hárjehallandeaivvadeapmi

Vahkkoloahpa čakčamánu 1.-3. B lágiduvvui dán jagaš bievladeaivvadeapmi, hárjehallandeaivvadeapmi valáštalliide gullevaš SVN miellahtujoavkkuide, dát dáhpáhuvai nu mot máŋgga jagi das ovdal, Ylläsis, suoma beale. Deaivvadeapmis lágiduvvui maiddái guovllugilvvut boazovázzimis.

Bievladeaivvadeapmi/Barmarksamlingen 2023, Ylläs. Govven/foto Stig Valter Tovås
Dán jagaš deaivvadeamis oassálaste čuođis, sullii badjelaš bealli ledje valáštallit gaskkal sullii 8 ja 20 jagi, earát ledje hárjeheaddjit, jođiheaddjit, váhnemat ja lágideaddjit. Deaivvadeamis čađahuvvo sihke viehkanhárjehallamat, njoarostanhárjehallamat ja juvlasabethárjehallamat.
Lávvordaga lágiduvvui guovllugilvu boazovázzimis (viehkan ja njoarosteapmi). Dá leat gilvvu bohtosat.
Skábmadeaivvadeapmi
Skábmadeaivvadeapmi (hárjehallan muohttaga alde) lágiduvvo oalle mihá sihkkarit vahkkoloahpa 23.11.-26.11 (duor-sotn), dát maid Ylläsis. Dás sáhttet valáštallit gullevaš joavkkuide geat leat SVN miellahtut, nu mot maiddái dát mii lágiduvvui dál aitto, searvat, iežaset joavkkuid bokte, ja nu maiddái valáštallit gullevaš sullasaš joavkkuide/organisašuvnnaide suoma- ja ruoŧabeale. Dán jagi serve oasseváldit/earát gávcci iešguđet servviin.
Eanet dieđut skábmadeaivvadeami birra ilbmet fargga.

Guovllugilvu/Distriksmesterskap 2023, Boazovázzin/Reingjeter, Ylläs. Govven/foto Stig Valter Tovås

Guovllugilvu/Distriksmesterskap 2023, Boazovázzin/Reingjeter, Ylläs. Govven/foto Stig Valter Tovås

Guovllugilvu/Distriksmesterskap 2023, Boazovázzin/Reingjeter, Ylläs. Govven/foto Stig Valter Tovås