SM lahkonišgoahtá
Njukča- ja cuoŋománu mánnomolsumis lágiduvvo dán jagaš Sámemeašttirgilvu Guovdageainnus. Lágideaddji Guovdageainnu FS lea sáddet bovdehusa joavkkuide, dieđihanáigemearri lea njukčamánu 29. B.
Bearjadaga njukčamánu 31. ja lávvordaga cuoŋománu 1. b. lágiduvvo dán jagaš Sámemeašttirgilvu, dát dahpahuvvo Guovdageainnus. Sii geat leat ožžon lágideami lea Guovdageainnu FS. Sii leat sádden bovdehusa joavkkuide, ja bovdehusas lea lohkámis ahte dieđihanáigemearri lea njukčamánu 29. B., bovdehus lea lohkámis ollislaččat dás.
Bovdehusas muitaluvvo maiddái ahte lágideaddjit fállet hálbbes orrubáikefálaldaga oasseváldiide, áigemearri diŋgot dán fálaldaga lea njukčamánu 15. B.
Prográmmas oidno ahte gilvvut bearjadaga lea boazovázzin, árbevirolaš čuoigan oktan njoarosteapmi, álgá dii 18:00. Lávvordaga lágiduvvo luisten-/fristilgilvu. Lávvordat čuoigamat mearridit geat besset searvat AWG 2024s.