Nuoraidstipeanda 2025 geigejuvvon
Elle Anne Grethe Sara ja Sverre Johan Holand-Roth oažžuba SV-N nuoraidstipeandda 2025.
Nuoraidstipeandda vuosttáiváldit 2025
Elle Anne Grethe Sara, Guovdageainnu FS ja Sverre Johan Holand-Roth, Fjell Skilag, geigejuvvoba dán jagi SV-N nuoraidstipeandda, go soai nu áŋgirit ja árjjalaččat ovddideaba sámi valáštallama ja kultuvrra. Stipeandda sturrodat lea 10 000 ru, mii juhkkojuvvo goappašiidda. Nuoraidstipeandda juhkkojuvvo jahkásaččat aktiiva valáštalliide geat lea buorit ovdagovat Sámi valáštallanbirrasis. Nuorra ferte leat gaskkal 13 ja 20 jagi ja leahkit gullevaš muhtin SV-N miellahttosearvvis.
– Elle Anne Grethe Sara og Sverre Johan Holand-Roth ovddasteaba bures sámi valáštallama. Sudnos leat buorit guottut, leaba áŋgirat ja bohtosat leat buorit. Mii leat rámis doarjut guokte nuora geat searvaba loktemis ja nannemis sámi valáštallama viidáseappot”, dadjá SV-N stivrajođiheaddji Isabell Fløystad.
Geigejumi vuođuštus
Elle Anne Grethe Sara Guovdageainnu FS, geigejuvvo SV-N nuoraidstipeandda go čájeha buori ovdáneami, buorit bohtosiid ja nana áŋgiruššan sámi valáštallamis. Son valáštallá bures máŋggain valáštallamiin, ja čuoigan lea su váldovaláštallan. Son lea ovddastan Team Sápmi AWG 2023, oassálasttán Barents Winter Games 2025 ja doallá buori dási, go ea. ea. faskkestii gollii Sámemeašttirgilvvuin, sámi geassemeašttirdoaluin ja Finnmárkkumeašttirgilvvus. Son lea maid searvan máŋggain SV-N bievla- ja skábmadeaivvademiin. Dasa lassin vuhttojit sus buorit guottut, son hárjehallá áŋgirit ja sus lea sávaldat ovdánit čuoigin. Son lea buorre ovdagovva nuorra sámi valáštalliide, ja ovddasta bures valáštallanmovtta, motiverema ja máhttima. Stipeanda dáidá movttiidahttit su joatkit ja searvat stuorit gilvvuin ovddas guvlui.
Sverre Johan Holand-Roth, Fjell Skilag, geigejuvvo SV-N nuoraidstipeandda su nanu áŋgiruššama geažil, go nu mihtolaččat barga buoridit iežas ja go máŋggaid jagiid lea searvan sámi valáštallamis. Son lea searvan buot SV-N deaivvademiin go lea leamaš vejolaš, ja de leat ge oaidnán man stáđis ja áŋgirit hárjehallá, ja ahte sus lea duohta sávvamuš ovdánahttit valáštallin. Son lea válljejuvvon ovddastit Team Sápmi AWG 2026, dát duođašta su máŋggaid jagiid bures ja mihtolaš barggu. Dasa lassin lea Sverre aktiivvalaš sihkkelasti, ja su mielas lea hui somá njoarostemiin kombineret.
Nu mot dovdat Sverre de son lea buorre ovdagovva nuoraide sámi valáštallamis, ja ovddasta dien birrasis hui positiivvalaččat ja fátmmasteaddjilasat. Son lea álot liikon SV-N deaivvademiid go de beassá deaivvadit earáid main lea seamma duogáš ja beroštumit. Stipeanda addá sutnje vejolašvuođa ođastit čuoiganrusttegiid ja na beasságe an hárjehallat ovddasguvlui stuorit gilvvuide ja ovdánahttimii.