Dokumenter

Jahkečoahkkin 2024

Lei Álttás miessemánu 25. b. 2024. Dá lea čoahkkinreferáhta (sámegillii ja dárogiliii).

– Čoahkkimis meannuduvvui ea. ea. 2023 jahkedieđáhus (dušše dárogillii), ja maiddái SV-N njuolggadusat rievdaduvvo. Dá leat ođđa njuolggadusat (maiddái dušše dárogillii)

Jahkečoahkkin 2023

Dolloi Álttás miessemánu 6.-7. b. 2023. Dá lea čoahkkinreferáhta, lea dušše dárogillii.

Jahkečoahkkin 2022.

Dolloi Álttás.

Lea dás lohkamis, dušše fal sámegillii.

Gáibádusat SV-N doallodoarjja ohcamii

Juohke doalu/gilvvu namas, masa ohco doarjja, galgá duođaštuvvot mielddusin mii čájeha lágideaddji namma, doaluid dáhton, makkár doalut/makkár gilvvut, bohtosat sin gaskkas geat leat badjel 9 jagi ja oasseváldiid namat ja ahki. Buot mildosiidda addo lohku masa čujuhuvvo ohcamis.

• Čuoigamat (cupčuoigamat/čuoigangilvvut) 2500 juohke doalus, eanemusat 5 doalu jagis
• Čuoigamat njoarostemiin/boazovázzin, 7500 juohke doalus, eanemusat 3 doalu jagis
• Viehkamat njoarostemiin, 3500 juohke doalus, eanemusat 3 doalu jagis
• Njoarostangilvu, 2500 juohke doalus, eanemusat 3 doalu jagis
• Sihkkelastin njoarostemiin, 3500 juohke doalus, eanemusat 3 doalu jagis
• Viehkamat, 2500 juohke doalus, eanemusat 5 doalu jagis

Go ozat dolladoarjaga bajábealnamuhuvvon doaluide, de galggat geavahit dán skovi, ja de deavddát skovi ja de sáddet dan oktan mildosiiguin e-poastačujuhussii valastallan@gmail.com ovdal ođđajagimánu 10. B. maŋŋel ohcanjagi.

Guovllugilvvu ja Sámemeašttirgilvvut

Muđui juohká SV-N doarjaga sidjiide geat lágidit Guovllugilvvu (GG) ja Sámemeašttirgilvvut (SM), ruhtasturrodat dáidda doaluide leat na:

• GG: 25 000,- ru.
• SM: 40 000,- ru.

Doarjja mákso maŋŋel gilvvuid, gáibádusa vuođul.

Investerendoarjaga sáhttá ohcat investeremiidda maid dárbbaša go galgá lágidit sámi valáštallamiid. Njuolggadusat movt juohkit investerendoarjaga sámi valáštallamii.

Dohkkehuvvon stivračoahkkimis 19.11.2009
Divvojuvvon ja dohkkehuvvon 24.09.2011

Mihtut doarjjaortnegii

• Doalahit, ovdánahttit ja láhčit dili earenoamáš sámi valáštallamii mánáide, nuoraide ja doaimmashehttejuvvon olbmuide.
• Heivehit nu ahte oažžut eanet oasseváldiid searvat sámi valáštallamii.
• Movttiidahttit eanet olbmuid searvat lihkadeapmái ja oččodit eanet beroštumi sámi valáštallamii ja lihkadeami álbmogii.

 Investerendoarjaga sáhttá ohcat ea.ea:

• Suohpaniidda
• Čorvviide
• Vuolggahiŋgaliidda heargevuodjimii
• Sihkarvuođa áiddiide neahta/horsta
• Oassemávssu investeremiidda / rusttegiidda mat adnojit sámi valáštallamii

Mihttojoavku:

• Mánát (6-12 jagi) ja nuorat (13-19 jagi) SVL’a miellahttoservviin
• Doaimmashehttejuvvon olbmot
• Sámi álbmot

Eavttut doarjjajuohkimii: Ohcamat meannuduvvojit áiggis áigái SVL stivrras. Ohcamat galget leat siskkobealde SVL’a njuolggadusaid. SVL’a ohcanskovvi galgá adnot. Galgá čilgejuvvot movt doarjja galgá lasihit oassálastima sámi valáštallamis.

Olggosmáksineavttut: Go doaibma álggahuvvo, de mákso 50% doarjagis gáibádusa vuođul. Loahppa doarjagis mákso go doaibma lea čađahuvvon ja golut duođaštuvvojit ja raporta lea sáddejuvvon SVLii. Doarjja gáibiduvvo ruovttoluotta máksot jus doaibma ii leat čađahuvvon šihtton áigái. Reviderejuvvon ja dohkkehuvvon rehketdoallu ovddit jagi ovddas. Jahkedieđáhus ovddit jagi ovddas.

Jus doarjja lea 100.000,- dahje eanet de galgá rehketdoallu reviderejuvvon stáda autoriserejuvvon revisora dahje registrerejuvvon revisora bokte.  Nu mot boahtá ovdan ekonomiijahálddašeami  ja dárkkisteami njuolggadusain doarjjaoažžuide geat KKDas ožžot juolluduvvot speallanruđa valáštallamiida )13.05.2008, KKD).

Rekrutterendoarjaga sáhttá ohcat go áigu lágidit lágidemiid gosa bovde mánáid ja nuoraid geat soitet searvat eará sámi valáštallamiin.

Njuolggadusat movt juohkit rekruterendoarjaga sámi valáštallamii.

Doarjjaortnega mihtut:

• Doalahit ja ovdánahttit valáštallandoaimmaid main lea sámi sisdoallu, mánáide, nuoraide ja doaimmashehttejuvvon olbmuide.
• Oalgguhit bargguid main lea ulbmil eambbosiid oažžut searvat sámi valáštallamis, mihttojoavkkuide mánáide (6-12 jagi), nuoraide (13-19 jagi)
• Movttiidahttit servviid doaimmahit máŋggalágan aktivitehtaid mihttojoavkkuid várás mat leat plánalaččat organiserejuvvon.
• Movttiidahttit hutkat valjit aktivitehtat mihttojoavkkuid várás.
• Veahkehit oallugiid searvat valáštallamii ja lihkadeapmái.
• Oččodit eanebut searvat sámi valáštallamis.

Rekruterendoarjaga sáhttá ohcat ea.ea.:

• Regionála ja báikkálaš rekruteren-/hárjehallančoagganemiide
• Máhttoloktemii sámi valáštallamis

Mihttojoavku:

• Mánát (6-12 jagi) ja nuorat (13-19 jagi) SVL’a miellahttoservviin
• Doaimmashehttejuvvon olbmot
• Mánát ja nuorat lulli sámi guovllus
• Sámi álbmot

Eavttut mihtuide :

• Čađahit doaimmaid
• Prošeaktačilgehus

Eavttut doarjjajuohkimii:

Ohcamat meannuduvvojit áiggis áigái SVL stivrras.

Ohcamat galget leat siskkobealde SVL’a njuolggadusaid.

SVL’a ohcanskovvi galgá adnot.

Dat galgá ráhkaduvvon čilgehus mas čilgejuvvo movt doarjja galgá lasihit oassálastima sámi valáštallamis.

Olggosmáksineavttut:

Go doaibma álggahuvvo, de mákso 50% doarjagis gáibádusa vuođul. Loahppa doarjagis mákso go doaibma lea čađahuvvon, golut leat duođaštuvvon ja raporta lea lohkamis. Doarjja gáibiduvvo ruovttoluotta máksot jus doaibma ii leat čađahuvvon šihtton áigái.

Reviderejuvvon ja dohkkehuvvon rehketdoallu ovddit jagi ovddas.

Jahkedieđáhus ovddit jagi ovddas.

Jus doarjja lea 100.000,- dahje eanet de galgá rehketdoallu reviderejuvvon stáda autoriserejuvvon revisora dahje registrerejuvvon revisora bokte.  Nu mot boahtá ovdan ekonomiijahálddašeami  ja dárkkisteami njuolggadusain doarjjaoažžuide geat KKDas ožžot juolluduvvot speallanruđa valáštallamiidda )13.05.2008, KKD).

Nuorat geat servet ja ovddidit sámi valáštallama sáhttet ohcat nuoraidstipeandda.

SVL-N NUORAIDSTIPEANDDA JUOLLUDANEAVTTUT

Nuoraidstipeandda juhkkojuvvo jahkásaččat SVL-N miellahttoservviid aktiiva valáštalliide mat leat gaskkal 13 ja 20 jagi.

Juhkkojuvvojit guokte stipeandda, goappašat sohkabeliide. Stipeandda sturrodat lea 10 000 ru.

Ulbmil stipeanddain lea movttiidahttit ja ovdánahttit sámi valáštallama, dainna lágiin ahte valáštalli háliida joatkit iežas valáštallamiin ja leat buorre ambassadevran sámi valáštallamii.

Kandidáhtas galget leat buori guottut ja galgá leat buorre ovdagovvan eará valáštalliide, ja galgá aktiivvalaččat oassálastán SVL-N ja miellahttoservviid doaimmain.

Ohcii galgá vuođuštit mo stipeanda lea jurddašuvvon geavahuvvot. Ohcci, miellahtusearvi dahje eará galgá sáddet vuođuštuvvon ohcama.

SVL-N nuoraidstipeandda sáhttá dušše áidna oktii oažžut.

SVL-N stivra vállje gii galgá stipeandda oažžut, gealbu-,kultuvra- ja ovdánahttinlávdegotti evttohusa vuođul.

Ohcanáigemearri lea skábmamánu 15. b.

Doaibmadoarjaga sáhttá ohcat go áigu lágidit lágidemiid main lea sámi sisdoallu. Njuolggadusat movt juohkit doaibmadoarjaga sámi valáštallamii.

Doarjjaortnega mihtut:

• Doalahit ja ovdánahttit valáštallandoaimmaid main lea sámi sisdoallu mánáide, nuoraide ja doaimmashehttejuvvon olbmuide.
• Oččodit eanet oasseváldiid sámi valáštallamii.
• Movttiidahttit eaktodáhtolašbargguid mihttojoavkkuid várás.
• Movttiidahttit servviid doaimmahit máŋggalágan aktivitehtaid mihttojoavkkuid várás mat leat plánalaččat organiserejuvvon.
• Movttiidahttit hutkat valjit aktivitehtat mihttojoavkkuid várás.
• Veahkehit oallugiid searvat valáštallamii ja lihkadeapmái.

Doaimmat maidda sáhttá ohcat:

• Čuoigan oktan njoarostemiin
• Viehkan oktan njoarostemiin
• Njoarosteapmi
• Viehkan
• Sihkkelastin oktan njoarostemiin
• Heargegilvovuodjin
• Eará sámi valáštallandoaimmaide

Mihttojoavku:

• • Mánát (6-12 jagi) ja nuorat (13-19 jagi) SVL-N’a miellahttoservviin
  • Doaimmashehttejuvvon olbmot
  • Muđui rávisolbmot

Eavttut mihtuide:

Galle doaimma lea čađahan
Galle oasseváldi

Eavttut doarjjajuohkimii:

Ohcamat meannuduvvojit jahkásaš áigemeriide.
Ohcamat galget leat siskkobealde SVL-N’a njuolggadusaid.
SVL-N’a ohcanskovvi galgá adnot.

Olggosmáksineavttut:

Reviderejuvvon ja dohkkehuvvon ovddit jagi rehketdoallu
Jahkedieđáhus mannan jagi ovddas.